Search here...
Imprinting dell'Istria (L')
Prezzo
15,86 €
Tasse incluse
"Mio nono vigniva de una famiglia de fabri e carradori e el saveva lavorar ben el fero e el legno. Quando che el se ga trasferì a Pola, el pensava de trovar una sistemazion in cantier, inveze el iera finì a ingovernar el tramway elettrico. Sì, perché a Pola l'Austria gaveva messo el tramway che andava per tuta la riva fina dove che xe la Fabrica Cementi. Mio nono el contava sempre un fato che ghe iera suceso in gioventù: el se aveva desmentegà de tirar el fren, el slaif , in rimessa e una carozza del tram iera andada zò per el rato fina dentro el boteghin de fruti e verdura dela siora Bepina. Per fortuna la siora, che la passava i settanta e la gaveva anche una gamba slossa, vedendo rivar 'sto tram a tuta velocità, la gaveva ritrovà l'agilità dei venti ani e con un salto acrobatico la gaveva schivà el bolide. Però ghe iera stà dani grossi al boteghin e el gendarmo Fischer gaveva portà el nono del giudice. Qua el nono el se infervorava a contar: "al processo la siora Bepina la parlava par talian, el gendarmo Fischer par tedesco e el testimonio, un certo Pizdaric, par croato. Mi rispondevo in tute tre le lingue!" El giudice el se gaveva stupido e a un certo punto el ghe gaveva domandà al nono: "foi come parlatte tante lingue, che sqvuole afete fato?" "le scuole popolari, sior giudice", gaveva risposto el nono "bravo! assolto!" iera stada la sentenza del giudice".
Leo Elements Font End
Panel Tool
Full Width
Boxed Large
Yes
No
Font Base
Font Heading
Font Slider
Font Senary
Font Septenary
Color Default